Pambato ng Pilipinas sa Miss Grand International 2020 na si Aya Abesamis hindi na makalalahok sa pageant sa Thailand
Hindi na makalalahok sa Miss Grand International sa Thailand ang pambato ng Pilipinas na si Aya Abesamis.
Ayon sa pahayag ng Binibining Pilipinas, dahil sa COVID-19 pandemic ay nabinbin ang pagdaraos ng Miss Grand International sa Bangkok, Thailand at umabot na si Abesamis sa age limit.
Dahil dito inanunsyo ng Binibining Pilipinas na si Samantha Bernardo ang kanilang napili para sumabak sa pageant na gaganapin sa March 27.
Mananatili naman kay Abesamis ang titulo bilang Binibining Pilipinas-Grand International 2019 at siya ang magpapasa korona sa Binibining Pilipinas pageant sa April 2021.
