Pamahalaan ng China kinumpirmang nasawi ang lahat ng sakay ng bumagsak na China Eastern Airlines
Kinumpirma ng pamahalaan ng China na lahat ng 132 na pasahero ng Flight MU5735 ng Chine Eastern Airlines ay pumanaw.
Sa pahayag sinabi ni Ju Zhenjiang, deputy director ng Civil Aviation Administration of China (CAAC0, walang “signs of life” sa sa lugar na pinagbagsakan ng eroplano.
Lulan ng nasabing flight ang 123 na mga pasahero at 9 na crew.
Una nang natukoy ng search team ang DNA ng 120 sa mga sakay ng eroplano.
Hinahanap pa rin ng mga otoridad ang second black box o flight recorder ng eroplano.
Noong Miyerkules ay una nang nahanap ang isa pang black box at cockpit voice recorder na ipinadala na sa Beijing para masuri ng mga eksperto. (DDC)
