Pamahalaan nagpatupad na din ng travel restrictions sa Malaysia at Thailand
Inaprubahan ni Pangulong Rodrigo Duterte ang rekomendasyon na isama sa pinaiiral na travel restrictions ng pamahalaan ang mga biyahero galing ng Malaysia at Thailand.
Simula alas 12:01 ng madaling araw ng July 25 hanggang sa July 31 ay bawal pumasok ng Pilipinas ang mga biyahero galing ng Malaysia at Thailand.
Ang mga pasahero na nasa biyahe na at darating sa Pilipinas bago mag alas 12:01 ng madaling araw ng July 25 ay papayagan pa ding pumasok sa bansa pero sasailalim sila sa 14 na araw na facility quarantine.
Exempted din sa travel restrictions ang mga Overseas Filipinos na bahagi ng repatriation at special commercial flights ng pamahalaan. (Dona Dominguez-Cargullo)
