Pagtanggap ng aplikasyon para babakantehing pwesto ni Supreme Court Chief Justice Diosdado Peralta pinalawig ng JBC
Pinalawig pa ng Judicial and Bar Council (JBC) ang application period para sa pwestong babakantehin ni Supreme Court Chief Justice Diosdado Peralta.
Inaprubahan ang optional retirement ni Peralta noong January 5, 2021 at magiging epektibo ang kaniyang pagreretiro sa March 27, 2021.
Sa March 27, 2022 pa dapat ang mandatory retirement ni Peralta sa pagsapit niya sa edad na 70.
Ayon sa JBC, ang pagsusumite ng aplikasyon para sa nais pumalit sa posisyon ni Peralta ay pinalawig hanggang February 26.
Pinapayuhan ang mga aplikante na bisitahin ang website ng JBC na jbc.judiciary.gov.ph upang mai-access ang Online Application Scheduler.
Ang letter of intent naman at documentary requirements ay maaring isumite sa pamamagitan ng e-mail.
