Pagpapabakuna ni Pangulong Duterte hindi pwedeng isapubliko, “sa puwet magpapaturok” ayon kay Sec. Roque

Hindi isasapubliko ng Malakanyang ang pagpapapabakuna ni Pangulong Rodrigo Duterte laban sa COVID-19.

Ayon kay Presidential Spokesperson Harry Roque, sinabi ng pangulo na sa puwet sya magpasaksak ng bakuna kaya hindi pwedeng gawin ito in public.

Sinabi ito ni Roque nang tanungin kung pinal na ba ang pasya ng pangulo na huwag isapubliko ang pagpapabakuna.

“Sabi niya nga, sa puwet siya sa magpapasaksak, so hindi pwede na public,” ayon kay Roque.

Una nang sinabi ng pangulo na payag siya na maunang maturukan ng bakuna para patunayan ang pagiging epektibo nito. (D. Cargullo)