Paghahanap sa mga nawawalang seafarer ng lumubog na cargo ship sa Japan, itutuloy ngayong araw

Ipagpapatuloy ngayong araw ng Japan Coast Guard ang paghahanap sa mga nawawalang crew ng lumubog na Panamanian-flagged Vessel.

Ang nasabing barko ay may lulang 43 na crew na karamihan ay mga Filipino.

Dalawang Pinoy pa lamang ang natatagpuan.

Ayon sa Department of Affairs (DFA) batay sa impormasyon mula sa Philippine Embassy sa Tokyo at Philippine Consulate General sa Osaka, magsasagawa ng aerial search operations ang Japanese Coast Guard ngayong araw.

Masungit pa rin kasi ang panahon sa lugar kaya hindi pa maaring makapagpadala ng mga patrol boat upang tumulong sa paghahanap.

Patuloy na umaasa ang DFA na matatagpuan pa ang mga nawawalang seafarer.