Paggamit ng antiviral pills ng Pfizer laban sa COVID-19 inaprubahan sa Seoul
Inaprubahan ng South Korea ang emergency use ng antiviral pills ng Pfizer laban sa COVID-19, na kauna-unahan sa Seoul, ayon sa Ministry of Food and Drug Safety.
Ang oral antiviral treatment ng Pfizer na “Paxlovid,” ay inaasahang makatutulong upang mapigilang lumala ang kalagayan ng pasyente at maaring sa bahay na lamang sila gamutin.
Ang isa pang oral coronavirus treatment na Molnupiravir, na nilikha ng Merck sa labas ng US at Canada, ay nag-apply din ng emergency use nitong buwan, subalit sumasailalim pa sa review pa ng ministry, at naghahanap pa ng kinakailangang karagdagang mga impormasyon tungkol sa efficacy ng gamot. (Infinite Radio Calbayog)
