Pag-rollout ng pagbabakuna kontra COVID-19 agad pinasisimulan ni Pangulong Duterte

Ipinag-utos ni Pangulong Rodrigo Duterte ang agad na pagsisimula ng pag-rollout ng pagbabakuna kontra COVID-19 sa bansa.

Sinabi ni Senator Christopher “Bong” Go na nais ng pangulo na sa unang linggo ng Marso ay masimulan na ang vaccination.

Ang mga dagdag na detalye tungkol sa pag-rollout ng bakuna ay iaanunsyo ni Vaccine Cvar Carlito Galvez Jr.

Ayon kay Go, nais ng pangulo na agad masimulan ang pagbabakuna sa priority groups, partikular ang mga frontliner na susundan ng mga indigent ng senior citizens.

Ngayong araw dumating ang 600,000 doses ng COVID-19 vaccine mula sa China-based na Sinovac.

Habang bukas, March 1 ay inaasahang darating naman ang 525,600 doses ng COVID-19 vaccine ng AstraZeneca.