P50M halaga ng smuggled na sigarilyo nakumpiska sa Cagayan De Oro

Nakumpiska ng mga tauhan ng Bureau of Customs (BOC) sa Cagayan De Oro ang P50 milyon halaga ng smuggled na sigarilyo.

Ang dalawang container vans na galing ng China ay idineklarang naglalaman ng mga furniture.

Naka-consign ang shipment sa LMRC 418 Direct Import Export Corp at dumating sa Mindanao Container Terminal sa Misamis Oriental noong February 14.

Nagpalabas naman ng Pre-Lodgment Control Order ang district collector sa Port of Cagayan sa nasabing mga kargamento.

At nang isailalim sa inspeksyon ay nakitang pawang sigarilyo ang laman nito na ang brand ay Marvel at Two Moon.

Nagpalabas na ng warrant of seizure ang Customs sa mga kargamento.