P44.6M na pondo para sa allowance ng mga estudyante sa PLM inaprubahan ni Manila Mayor Isko Moreno
Inaprubahan na ni Manila Mayor Isko Moreno ang pagpapalabas ng mahigit P44.6 million na pondo para sa allowance ng mga mag-aaral sa Pamantasan ng Lungsod ng Maynila (PLM).
Kabuuang P44,620,000 na halaga ang inilaan para sa allowance ng mga 11,155 na estudyante sa PLM.
Ang bawat mag-aaral ay tatanggap ng P4,000 o P1,000 kada buwan, para sa buwan ng Setyembre, Oktubre, Nobyembre at Disyembre.
Una nang inaprubahan din ni Moreno ang pagpapalabas ng mahigit P34.6 million na pondo para sa allowance ng mga estudyante sa Universidad De Manila (UDM).
Para ito sa buwan ng Agosto, Setyembre at Oktubre.
11,537 na mga mag-aaral ang tatanggap ng P3,000 bawat isa. (DDC)
