P1M halaga ng branded na mga produkto nakumpiska sa isang warehouse sa Maynila

Aabot sa P100 milyon halaga ng iba’t ibang smuggled na produkto ang nakumpiska ng mga otoridad sa sinalakay na warehouse sa Tondo, Maynila.

Isinagawa ang operasyon ng pinagsanib na pwersa ng mga tauhan ng Bureau of Customs (BOC), National Bureau of Investigation (NBI) at Philippine Coast Guard (PCG), kung saan nakumpiska ang iba’t ibang branded na produkto.

May mga nakita ring mga hindi rehistradong face shields, face masks, mga pekeng gamot at pekeng sabon sa nasabing storage facility.

Ilan sa nakumpiskang face mask ay ang brand na AIDELAI na una nang napasama sa abiso ng Food and Drug Administration (FDA) na hindi rehistrado.

Patuloy ang imbestigasyon para matukoy kung sino ang nasa likod ng mga produkto upang masampahan ng kaso. (D. Cargullo)