P15M na halaga ng Hermes, LV, Chanel, bags nakumpiska ng Customs
Aabot sa P15 milyon halaga ng branded na mga bag ang nakumpiska ng mga tauhan ng Bureau of Customs sa Ninoy Aquino International Airport (NAIA).
Ang mga branded na bag, sapatos at wallet ay pawang idineklarang de lata.
Ito ay para makaiwas sa pagbabayad ng tamang buwis.
Kabilang sa nakumpiska ay mga bag, wallet at sapatos ang brand ay Chanel, Hermes, Christian Louboutin, Valentino, Louis Vuitton, Prada, at Balenciaga.
Idineklarang de lata, shampoo, sabon at iba pa ang nasabing mga kargamento.
“The misdeclaration is an apparent attempt to evade payment of correct duties and taxes by circumventing duty and tax free privileges afforded to balikbayan boxes,” ayon sa Customs.
Ayon kay District Collector Carmelita M. Talusan, isasailalim sa seizure at forfeiture proceedings ang nasabing mga kargamento dahil sa paglabag sa Section 1400 in relation to Section 1113 ng CMTA.
