P10M halaga ng illegal na droga nakumpiska sa Taytay, Rizal; lider ng isang drug group arestado
Arestado ang lider ng ‘Dela Cruz Drug Group’ sa ikinasang drug buy bust operation sa Taytay, Rizal.
Ayon sa Taytay Public Information Office, nagkasa ng operasyon ang pinagsanib na pwersa ng Taytay Municipal Police Station at Provincial Intelligence Unit ng Rizal Provincial Police Office sa Sitio Lupang Arenda, Barangay Sta. Ana.
Nadakip sa operasyon ang lider ng ‘Dela Cruz Drug Group’ at nakumpiska sa kanya ang aabot sa isa’t kahalating kilo ng shabu na may street value na P10.2 milyon.
Nakumpiska rin ang (3) tatlong supot ng marijuana, (1) isang KG-9, (1) isang caliber pistol, (1) isang 9mm pistol, (1) isang magazine ng 9mm na baril, (5) limang bala ng caliber 45 pistol, (10) sampung bala ng 9m pistol, (1) isang improvsed carbine rifle na kargado ng bala, (2) dalawang granada, (1) isang timbangan, (1) isang plastik na naglalaman ng drug paraphernalias , (1) isang tooter at nakuha din ang drug money na nagkakahalaga ng P67,110.00.
.
