Ormoc City LGU lumagda na sa kasunduan para sa 270,000 doses ng COVID-19 vaccine
Lumagda na din sa kasunduan ang City Government ng Ormoc para sa pagbili ng 270,000 ng AstraZenica COVID-19 vaccine.
Ayon kay Ormoc City Mayor Richard Gomez para ito sa mga mamamayan ng lungsod.
Sa kalagitnaan ng taon inaasahang darating ang mga bakuna sa Ormoc City.
Ayon kay Atty. Joy Mejia-Romero, city legal officer, sa 270,000 doses, mababakunahan na ang nasa 90% ng target population na edad 18 pataas.
Susundin sa lungsod ang order of priority sa pagbabakuna kung saan magiging prayoridad ang senior citizens, health care workers, front-liners at ang mga may co-morbidities.
