OIC itinalaga sa PhilHealth

Kinumpirma ni Health Usec. At Spokesperson Ma. Rosario Vergeire na may napili nang officer in charge o OIC para sa Philhealth.

Ayon kay Vergeire, ang OIC ngayon ng Philhealth ay si Arnel de Jesus, na siyang executive vice president ng Philhealth.

Ang pagtatalaga kay de Jesus ay kasunod ng pagbibitiw sa pwesto ni Ricardo Morales bilang presidente at CEO ng Philhealth.

Nabatid na inaprubahan ng board kahapon ang designation kay de Jesus bilang OIC ng Philhealth.

Mismong si Pangulong Rodrigo Duterte ang may gusto na magresign si Morales dahil sa “health issues” nito.

Maalalang inanunsyo ni Morales na mayroong siyang sakit na Lymphoma, sa kasagsagan ng alegasyong katiwalian laban sa Philhealth.