Nurse na nagkamali ng pagtuturok sa isang vaccine recipient humingi ng paumanhin
Humingi ng tawad ang volunteer nurse sa Makati City na nagkamali ng pagtuturok sa isang vaccine recipient.
Ayon kay Makati City Mayor Abby Binay, pinatawad na ng vaccine recipient ang nurse ito na rin ang humiling na huwag tanggalin ang nurse.
Sinabi ng alkalde na tao lang ang mga frontliner, napapagod at nagkakamali.
Ang mahalaga aniya ay agad naitala ang pagkakamali.
Umapela si Binay sa lahat ng nagpapakalat ng video lalo na sa ibang nagbibitiw pa ng hindi magagandang salita sa nurse na itigil ang mga pagbibintang.
“Maawa kayo sa nurse na nagkusang loob na mag-volunteer ng kaniyang oras para lamang mapabilis ang pagbabakuna sa ating mga residente,” ayon kay Binay. (Dona Dominguez-Cargullo)
