Number coding mananatiling suspendido sa pagbabalik ng GCQ sa Metro Manila
Suspendido pa rin ang pag-iral ng number coding sa Metro Manila.
Ito ay kahit balik na ang pag-iral ng general community quarantine sa NCR simula bukas, August 19.
Ayon sa MMDA, tuloy ang indefinite suspension ng number coding.
Samantala, simula bukas ay iiral na ang modified number coding sa Makati City.
Ayon sa Makati Traffic, sa ilalim ng modified number coding ay papayagang bumiyahe sa mga lansangan sa Makati ang mga sasakyan na may sakay na dalawa o higit pa.
