Notoryus na drug pusher sa Nueva Ecija patay sa buy-bust
Nasawi sa ikinasang buy-bust operation ang isang notoryus na drug pusher sa Nueva Ecija.
Ayon kay San Jose City, Nueva Ecija Police Chief, Lt. Col. Heryl Bruno, nagkasa ng Anti- Illegal Drug Operation ang mga otoridad sa Brgy. Caanawan, alas 2:20 ng madaling araw ng Lunes, August 24, 2020.
Natunugan umano ng suspek na pulis ang kaniyang katransaksyon kaya bumunot ito ng baril at nagpaputok.
Nauwi sa barilan ang operasyon na ikinasawi ng suspek.
Nakuha sa crime scene were ang isang caliber 9 mm pistol (Home-made) siyam na piraso ng FCC ng 9 mm, walong maliliit na heat sealed transparent sachet na naglalaman ng shabu at isang motorsiklo.
Ang suspek ay nasa listahan ng mga notoryus na drug pushers sa Nueva Ecija at mga kalapit na lalawigan. (END)
