Utos ni Pangulong Duterte na arestuhin ang mga hindi nagsusuot ng face mask, idinepensa ng Malakanyang
Idinepensa ng Malakanyang ang utos ni Pangulong Rodrigo Duterte na pag-aresto sa mga hindi nagsusuot ng face mask o mali ang pagkakasuot nito.
Ayon kay Presidential Spokesperson Harry Roque, ang mensahe ng presidente sa pulisya at sa taumbayan ay para sa kapakanan ng bawat isa.
Ani Roque, mahalaga ang pagsunod sa minimum health standards.
Ipinatutupad aniya ang mga paghihigpit na ito ngayong nakararanas ng pandemya ang bansa.
Magugunitang may mga nagpahayag ng pagkabahala kabilang na ang CHR sa utos ni Pangulong Duterte na arestuhin ng PNP ang mga hindi nakasuo ng face mask at hindi nagsusuot nito ng tama.
