Night club at KTV Bar sa QC ipinasara

Ipinasara ng Quezon City government ang isang resto bar sa Tomas Morato dahil sa paglabag sa general community quarantine (GCQ) guidelines at minimum health protocols sa lungsod.

Batay sa GCQ guidelines ng lungsod, hindi pa maaaring magbalik operasyon ang mga bar, club, at iba pang entertainment at leisure centers.

Pag-aaralan pa ng Business Permits and Licensing Department kung kailangan pang patawan ng ibang parusa ang establisimyento.

Noong Sabado ng madaling araw inaresto ng mga tauhan ng Quezon City Police District ang 95 katao na nag-iinuman sa Guilly’s Island night club sa Tomas Morato.

Nakatanggap ng tip ang pulisya mula sa isang city councilor nag-ooperate ang naturang bar na malinaw na paglabag sa city ordinance. / END