Navotas City Hall isinailalim sa lockdown; 24 na kawani nagpositibo sa COVID-19
Nakasailalim sa lockdown ang City Hall ng Navotas City.
Ayon kay Navotas City Mayor Toby Tiangco, iiral ang lockdown hanggang alas 11:59 ng gabi ng Linggo, February 28.
Ito ay makaraang 24 na mga kawani ng City Hall ang magpositibo sa COVID-19.
Ayon kay Tiangco, wala munang transaksyon sa city hall habang umiiral ang lockdown.
Sa mga mayroong payment deadline sa February 28, hiniling ni Tiangco sa Sanggunian na palawigin ang palugit hanggang March 5.
