Naudlot na 2021 Physician Licensure Examination sa NCR at Tuguegarao City muling itinakda ng PRC
Sa buwan ng Oktubre at Nobyembre na lamang isasagawa ang naudlot na 2021 Physician Licensure Examination sa National Capital Region at sa Tuguegarao City.
Sa inilabas na abiso ng Professional Regulation Commission (PRC), isasagawa ang pagsusulot sa October 30 at 31 at sa November 1 at 1.
Hindi kasi natuloy ang Physician Licensure Examination sa National Capital Region at sa Tuguegarao City na orihinal na nakatakdang gawin noong Sept. 11, 12, 18 at 19.
Pinaalalahanan ng PRC ang lahat ng examinees na istriktong sundin ang minimum health standards na itinakda ng Department of Health at ng Inter Agency Task Force. (DDC)
