Nasawing Pinoy sa pagsabog sa Beirut umakyat na sa apat; 31 pa ang sugatan – DFA
Nadagdagan ng dalawa pa ang bilang ng mga Pinoy na nasawi sa pagsabog sa Beirut, Lebanon.
Ayon sa Department of Foreign Affairs (DFA), sa update mula sa Philippine Embassy sa Beirut, umakyat na sa 4 ang bilang ng mga Pinoy na nasawi sa pagsabog.
Umabot naman na sa 31 ang mga Pinoy na naitalang nasugatan.
“We are saddened by the latest turn of developments. The higher figure comes as our Embassy personnel work to ascertain the condition of the Filipinos in its jurisdiction,“ ayon kay Foreign Affairs Undersecretary Sarah Lou Y. Arriola.
Sinabi ni Arriola, na isa pang household service worker ang nawawala at patuloy na pinaghahanap.
Sa mga nasugatang Pinoy, dalawa ang kritikal ang kondisyon sa Rizk Hospital.
Tiniyak ng DFA na patuloy na binabantayan ng embahada ang kondisyon ng mga Pinoy sa Beirut.
