Nasawi sa PDEA-PNP misencounter umakyat na sa 4

Kumpirmadong apat na ang nasawi sa misencounter sa pagitan ng mga tauhan ng Quezon City Police District at Philippine Drug Enforcement Agency sa Commonwealth Avenue sa Quezon City.

Dalawang pulis ang una nang nakumpirmang nasawi sa insidente base sa pahayag ng National Capital Region Police Office.

Ayon kay PDEA Director General Wilkins Villanueva, dalawa din sa kanilang hanay ang nasawi.

Ang nasawi aniya ay isang PDEA agent at isang PDEA informant.

Tiniyak naman ni Villanueva ang kooperasyon ng kanilang hanay sa mga imbestigasyon.