MRT may alok din na libreng sakay sa mga kababaihan
May alok na libreng sakay ang MRT-3 para sa mga babaeng pasahero, bukas araw ng Lunes (March 8).
Ito ay bilang pakikiisa ng pamunuan ng MRT-3 sa selebrasyon ng National Women’s Month.
Ayon sa MRT-3, libreng makasasakay ang mga babae mula alas 7:00 hanggang alas 9:00 ng umaga at mula alas 5:00 ng hapon hanggang alas 7:00 ng gabi.
Nauna nang sinabi ng LRT-2 na mayroon ding oras bukas na libre ang sakay ng mga babae sa kanilang mga tren.
