LOOK: MRT-3 Director for Operations Capati nag-inspeksyon sa mga station personnel
Nagsagawa ng inspeksyon si MRT-3 Director for Operations Michael J. Capati sa station personnel ng MRT-3.
Ito ay para siguruhing maayos na naipatutupad ang lahat ng health and safety protocols sa linya kontra COVID-19.
Siniyasat ni Director Capati ang paglilinis at ginagawang disinfection ng mga maintenance personnel sa mga tren ng MRT-3.
Samantala, tinignan din niya ang mga itinalagang platform marshal at supervisor na tagapagtiyak na compliant sa cleaning at safety protocols ang mga tren bago muling bumiyahe.
Nag-ikot din si Director Capati sa platform areas upang masigurong may mga platform marshal na gumagabay sa mga pasahero at nagpapaalala sa “7 Commandments” ng linya.
