Mocha Uson itinangging buntis siya kay Robin Padilla
Itinanggi ni OWWA Deputy Administrator Mocha Uson ang mga kumakalat na balita sa social media na siya ay buntis.
Kasabay nito ang pagtanggi ni Uson na siya ay nabuntis ng aktor na si Robin Padilla.
Sa kaniyang post sa Facebook sinabi ni Uson na nakakahiyang nadadamay sina Robin at misis nitong si Mariel sa isyu.
Tiyak aniyang ang mga galit sa gobyerno ang nagpapakalat ng tsismis dahil sila ni Robin ay kilalang tagasuporta ni Pangulong Duterte
“Wala pong katotohanan yang tsismis na yan. Napakabait po nung tao. Nakakahiya naman kay idol Robin at Mariel. Sigurado ako ang nagpapakalat niyan ay yung mga bitter sa ating gobyerno. Alam ng lahat na ako at si sir Robin ay masugid na supporter ni Pangulong Duterte kaya nalang sinisiraan kami,” ayon kay Uson.
Inilakip ni Uson sa kanyang post ang video habang siya ay nagwo-work out at kita ang tiyan bilang patunay na hindi siya buntis. (D. Cargullo)
