MMDA nagsagawa ng clearing operations sa mga lansangan sa QC bilang paghahanda sa SONA
Nagsagawa ng clearing operations ang Metropolitan Manila Development Authority (MMDA) sa mga lansangan sa Quezon City bilang paghahanda sa State of the Nation Address (SONA) ni Pangulong Ferdinand “Bongbong” Marcos Jr. sa Lunes, July 25.
Ayon sa Quezon City Local Government, kabilang sa sinuyod ng mga tauhan ng MMDA ang sumusunod na mga kalsada:
• Commonwealth
• IBP Road
• Batasan Hills
• Litex Road
• Tandang Sora
• Visayas Ave
• Congressional
• C-5
• Magiting
• Maginhawa
• Mayaman
• Kalayaan
Ang nasabing mga lansangan ay magsisilbing alternatibong ruta sa mismong araw ng SONA.
Bago sumapit ang araw ng Lunes, aalisin ang lahat ng sagabal sa kalsada kabilang ang mga sasakyang ilegal na nakaparada. (DDC)
