Missiles, fighter jets, ibinalandra ng China

Sa pagdiriwang ng China ang ika-walumpung (80) anibersaryo ng tagumpay ng World War II ibinalandra ng bansa ang kanilang mga missile, fighter jets at iba pang military hardware.

Bahagi din ng pagdiriwang na dinaluhan ni President Xi Jinping ang pagmamartsa ng mga sundalo ng China.

Ayon sa pahayag na ibinahagi ng Chinese Embassy sa Pilipinas, ang aktibidad ay hindi pagpapakita ng pwersa at kapangyarihan bagkus ito ay pag-alala ang milyun-milyong nagbuwis ng buhay sa nasabing giyera.

Mahigit 35 million na Chinese soldiers at mga sibilyan ang nasawi at nasugatan sa laban.

Kabilang sa mga armas na ipinakita sa seremonya ay unang beses lamang ilabas sa publiko kabilang ang land, sea at air-based strategic weapons.

Sa kaniyang speech ay tiniyak ni Xi ang commitment ng bansa para sa peaceful development at ang patuloy na pakikipagtulungan sa iba pang mga bansa sa mundo.

Labingdalawang lider mula sa iba’t ibang bansa ang dumalo sa seremonya kabilang si North Korean leader Kim Jong-un at Russian President Vladimir Putin. (DDC)