Mga tanggapan sa munisipyo ng Rodriguez, Rizal isasara sa publiko sa Biyernes, Feb. 26 para isailalim sa disinfection

Magsasagawa ng disinfection sa munisipyo ng bayan ng Rodriguez sa lalawigan ng Rizal.

Alinsunod sa Office Order bilang 2021 – DLH 109 na nilagdaan ni Rodriguez Mayor Dennis Hernandez, magreresulta ito sa pagkaantala ng mga serbisyo sa munisipyo sa Biyernes, February 26, 2021.

Isasailalim sa disinfection at paglilinis ang lahat ng tanggapan sa munisipyo sa nasabing petsa.

Mananatili namang bukas sa publiko ang sumusunod na mga tanggapan:

– Health Office
– Clean and Green Unit
– MDRRMO
– RSD
– MTMDO