Mga residente sa Taal Volcano Island inilikas dahil sa pagtaas ng seismic activity sa Bulkang Taal
Pwersahan nang inilikas ng Philippine Coast Guard (PCG) ang mga residenteng nakatira sa Taal Volcano Island.
Katuwang ng Coast Guard sa isinagawang paglilikas ang mga tauhan ng PNP Talisay, BFP Talisay, at MDRRMO.
Maliban sa pagpapalikas sa mga residente, inispeksyon din ang paligid ng isla para makapagsagawa ng karagdagang precautionary measure sa mga susunod na oras at araw.
Magugunitang simula noong Sabado ay nakapagtala ang Phivolcs ng mga pagyanig sa bulkan.
Sa nakalipas na magdamag ayon sa Phivolcs ay umabot sa 98 ang tremor activities na naitala sa bulkan.
