Mga na-trap na residente sa binahang mga barangay sa Naujan, Oriental Mindoro sinagip ng Coast Guard
Nagsagawa ng rescue operations ang Philippine Coast Guard sa Brgy. Mulawin at Brgy. Aurora sa Naujan, Oriental Mindoro araw ng Biyernes, July 23.
Binaha kasi ang nasabing mga barangay dahil sa naranasang walang humpay na pag-ulan.
Malakas ang agos ng tubig sa lugar kaya pinagsuot ng life jacket ang mga sinagip na residente.
Naglagay din ng lubid na makakapitan habang tinatawid ang rumaragasang tubig.
Unang ni-rescue ang mga batang na-trap sa kanilang bahay dahil sa mabilis na pagtaas ng tubig-baha. (Dona Dominguez-Cargullo)
