Mga mangingisda ng FV Liberty, kanilang pamilya inareglo ng MV Vienna Wood sa halagang P1M
Magkakaroon ng aregluhan sa pagitan ng FV Liverty 5 at sa MV Vienna Wood na nasangkot sa aksidente sa karagatang sakop ng Mamburao, Occidental Mindoro noong June 27, 2020.
Ayon kay Philippine Coast Guard (PCG) Commandant, Admiral George V Ursabia Jr., sa Lunes, August 24 magaganap ang formal settlement sa headquarters ng PCG sa Port Area, Maynila.
Ito ay makaraang pumayag ang mga mangingisdang lulan ng FV Liberty 5 na makipagkasundo sa MV Vienna Wood na nakabangga sa kanila.
Sinabi ni Ursabia ang pamilya ng 12 mangingisdang Pinoy na nawawala at 2 pang sakay ng FV Liberty 5 ay tatanggap ng P1 milyon kompensasyon bawat isa mula sa MV Vienna Wood.
Ang Irma Fishing and Trading Inc. na nagmamay-ari sa FV Liberty 5 ay tatanggap naman ng settlement amount na P40 million mula sa MV Vienna Wood.
