Mga mahistrado na kandidato sa pagiging chief justice sasalang sa public interview ng JBC
Sasalang sa public interview ng Judicial and Bar Council (JBC) ngayong araw ang mga mahistrado ng Korte Suprema na kandidato sa pagiging chief justice.
Ang public interview ng JBC para sa magiging ika-27 Chief Justice ng SC ay gagawin via Zoom.
Live din itong mapapanood sa PTV4 via live stream at sa YouTube Channel ng Supreme Court.
Kabilang sa mga nakasalang para sa public interview ang mga sumusunod na mahistrado:
9:00 – 11:00 AM: Hon. Estela M. Perlas-Bernabe
1:00 – 3:00 PM: Hon. Alexander G. Gesmundo
3:00 – 5:00 PM: Hon. Ramon Paul L. Hernando
Ang paghahanap ng bagong magiging SC Justice ay kasunod ng nakatakdang maagang pagreretiro ni SC Chief Justice Diosdado Peralta.
