Mga empleyado ng SC na magbabalik-opisina simula Feb. 2 sasailalim sa Antigen Test
Magsasagawa ng Antigen testing ang Korte Suprema sa mga empleyado na magbabalik-opisina simula sa February 2, 2022.
Sa inilabas na memorandum order ni Chief Justice Alexander Gesmundo, fully-operational na ang Supreme Court simula sa nasabing petsa bunsod na rin ng pag-iral ng Alert Level 2 sa Metro Manila.
Ayon kay Gesmundo, ang oras ng trabaho ng mga empleyado ay 9AM to 3PM at hahatiin ang araw ng pagpasok ng mga empleyado.
50 percent ng mga empleyado ang papasok ng Lunes, Martes at Miyerkules at ang 50 percent pa ay papasok ng Huwebes, Biyernes at Sabado.
Sasailalim sa work from home arrangement ang mga empleyado sa loob ng dalawang araw na hindi sila naka-schedule na pumasok sa opisina.
Inatasan ang mga pinuno ng mga tanggapan na tukuyin ang gagawing rotation sa kanilang mga staff. (DDC)
