Metro Manila mga kalapit na lalawigan uulanin sa susunod na mga oras
Makaraanas ng pag-ulan sa susunod na mga oras ang Metro Manila at mga kalapit nitong lalawigan.
Sa inilabas na abiso ng PAGASA alas 3:28 ng hapon ngayong Martes, March 2, katamtaman hanggang sa malakas na buhos ng ulan ang mararanasan sa Metro Manila, Zambales, Pampanga, Bataan, Quezon, at Tarlac sa susunod na dalawang oras.
Ganitong lagay na din ng panahon ang nararanasan sa Baliuag, Bulacan; Rodriguez, Rizal; mga bayan ng Penaranda, General Tinio, Santa Rosa, Cabanatuan, General Mamerto Natividad, Rizal, Llanera, Gabaldon, Laur, Talavera, San Isidro, San Jose, Munoz at Talugtug sa Nueva Ecija.
Pinapayuhan ang na maging maingat sa posibleng pagbaha na mararanasan lalo na sa mabababang lugar.
