Metro Manila, mga kalapit na lalawigan uulanin sa susunod na mga oras

Makararanas ng pag-ulan sa susunod na mga oras ang Metro Manila at mga kalapit nitong lalawigan.

Sa inilabas na thunderstorm advisory ng PAGASA, alas 12:37 ng tanghali ngayong Linggo, August 16 katamtaman hanggang sa malakas na buhos ng ulan ang mararanasan sa Metro Manila, Tarlac, NuevaEcija, Pampanga, Bulacan, Laguna at Rizal.

Ganitong lagay na rin ng panahon ang nararanasan sa mga bayan ng Orani, Samal, at Abucay sa Bataan; Subic at Castillejos sa Zambales; Tayabas, Lucban, Sariaya, at Candelaria sa Quezon; Lipa, Padre Garcia, Rosario at Laurel sa Batangas; at sa Tagaytay, Cavite.

Pinapayuhan ng PAGASA ang mga residente sa mabababang lugar na maging maingat sa posibleng pagbaha.

Maari ding magdulot ng pagguho ng lupa ang ang mararanasang malakas na buhos ng ulan sa bulubunduking lugar. (END)