Mayor ng Catbalogan City sa Samar positibo sa COVID-19

Nakapagtala ng 53 bagong kaso ng COVID-19 sa Catbalogan City sa lalawigan ng Samar.

Kasama sa mga bagong nagpositibo ang mayor ng lungsod na si Mayor Dexter Uy.

Si Uy ang naging kauna-unahang elected official sa Eastern Visayas na na-infect ng COVID-19.

Sa pamamagitan ng Facebook post, kinumpirma ni Uy na nagpositibo siya sa sakit at ngayon ay nakasailalim siya sa quarantine.

Sinabi ng 26 anyos na alkalde na nakaranas siya ng sintomas gaya ng lagnat, sipon, at pananakit ng katawan.

Nawalan din siya ng panlasa at pang-amoy.

Kasabay nito umapela si Uy sa mga residente na sumunod sa mga ipinatutupad na health protocols.

Ang Catbalogan City ay mayroong 121 na kaso ng COVID-19.