Mayor ng Bocaue, Bulacan nagpositibo sa COVID-19

Nagpositibo sa COVID-19 ang alkalde ng Bocaue, Bulacan na si Mayor Jose Santiago Jr.

Inanunsyo ito ni Santiago sa kaniyang Fcebook Page.

Ayon kay Santiago, nagkaroon siya ng exposure sa isang COVID-19 positive kaya agad siyang nagpa-Swab Test sa Joni Villanueva Molecular Laboratory.

Natanggap niya ang resulta na siya ay positibo sa COVID-19.

Sinabi ni Santiago na siya agad sumailalim sa self-quarantine bago pa man niya matanggap ang resulta ng test.

Pansamantala ipinasara muna ng alkalde ang buong munisipyo hanggang para sa gagawing disinfection. (D. Cargullo)