Maynilad Business Area offices mananatiling sarado dahil sa pagpapalawig ng ECQ

Kasunod ng pagpapalawig ng pag-iral ng enhanced community quarantine sa Metro Manila at ilang karatig probinsya, pansamantala pa ring isasara ang Maynilad Business Area offices, at sususpindihin ang service disconnections.

Magpapatuloy naman ang meter reading at billing activities ng Maynilad ngayong ECQ para aktwal na konsumo pa rin ang makikita ng customers sa kanilang bills.

Ayon sa Maynila, ang meter readers ng kumpanya ay mahigpit na pinasusunod sa health at safety protocols upang maiwasan ang pagkalat ng COVID-19.

Sakaling may tanong o concern tungkol sa water service, maaaring tumawag sa aming Hotline 1626 (Metro Manila) at 1800-1000-92837 (Cavite), mag-PM sa Facebook page (/Maynilad) o Twitter account (@maynilad), o mag-text sa assigned Zone Specialist sa inyong lugar.

Pinapayuhan din ang customers na gumamamit ng accredited online payment channels kung magbabayad ng kanilang water bill para mas safe at convenient.