Matapos ang ilang sunod na linggong oil price hike; presyo ng produktong petrolyo bababa naman ngayong linggo

Makalipas ang magkakasunod na linggo na may pagtaas sa presyo ng produktong petrolyo, bababa naman ngayong linggo ang halaga ng oil products.

Epektibo bukas araw ng Martes (March 9) bababa ng 10 centavos kada litro ang presyo ng gasolina, 55 centavos ang presyo ng kada litro kerosene at 35 centavos ang presyo ng kada litro diesel.

Base ito sa anunsyo ng mga kumpanya ng langis.

Karamihan sa mga kumpanya ay alas 6:00 ng umaga magiging epektibo ang oil price rollback.

Ang kumpanyang Chevron ay alas 12:01 ng madaling araw magiging epektibo ang rollback.