Marawi City Mayor Majul Gandamra nagpositibo sa COVID-19

Positibo sa COVID-19 si Marawi City Mayor Majul Gandamra.

Sa kaniyang pahayag, sinabi ng alkalde na sa kabilang matinding pag-iingat ay nagpositibo siya sa sakit batay sa resulta ng kaniyang RT-PCR test na natanggap niya Linggo (Mar. 28) ng gabi.

Payo ni Gandamra sa mga residente, magsilbi sana itong paalala na hindi pa natatapos ang laban ng lungsod sa COVID-19.

Hindi pa aniya ito ang tamang panahon para mag-relax at magpaka-kampante.

Payo ni Gandamra sa mga residente iwasan muna ang mga non essential na pagbiyahe at iwasan ang mass gatherings.

Hiniling naman ni Gandamra sa mga nakasalamuha niya nitong nagdaang mga araw na magpasailalim sa swab test.

Nakasailalim sa quarantine ngayon si Gandamra pero magpapatuloy aniya ang serbisyo ng lokal na pamahalaan ng Marawi City.