Manila Mayor Isko Moreno kinilala ng DSWD at DILG sa maayos at mabilis na pamamahagi ng ayuda

Ibinahagi ni Manila Mayor Francisco “Isko” Moreno Domagoso ang naging pagkilala sa kaniyang Department of Interior and Local Government at ng Department of Social Welfare and Development.

Ito ay makaraang hingan si Moreno ng reaksyon sa pahayag ni Pangulong Rodrigo Duterte na mayroong LGU sa NCR na hindi na papayagang mamigay ng ayuda dahil sa hindi maayos na sistema.

Sa halip na magbigay ng pahayag ay ibinahagi ni Moreno ang mga larawan nang siya ay tumanggap ng pakilala mula sa DSWD at DILG.

Kabilang dito ang certificate of recognition mula sa DSWD dahil sa implementasyon ng Pamahalaang Lungsod ng Maynila ng Social Pension for Indigent Senior Citizen.

Gayundin ang certification of recognition mula sa DILG na nagbibigay pagkilala kay Moreno sa mabilis na pagkumpleto ng pamamahagi ng ayuda sa Maynila. (DDC)