Mahigit pisong dagdag sa presyo ng diesel epektibo bukas

Magpapatupad ng dagdag sa presyo ng produktong petrolyo ang mga kumpanya ng langis.

Batay sa abiso ng mga kumpanya, may dagdag na 85 centavos sa presyo ng kada litro ng gasolina, P1.10 sa presyo ng kada litro ng diesel at P1.00 ang dagdag sa kada litro ng kerosene.

Epektibo ang dagdag presyo bukas araw ng Martes, February 9.

Unang magiging epektibo ang dagdag presyo ng kumpanyang Chevron o Caltext alas 12:01 ng madaling araw.

Alas 6:00 naman ng umaga ang dagdag presyo ng Shell, Petron, Seaoil, Petro Gazz, Flying V, Unioil, Total, at PTT.

Habang alas 4:01 naman ng hapon epektibo ang dagdag presyo ng Cleanfuel.