Mahigit P900M halaga ng mga gamit sa paggawa ng shabu, winasak sa Valenzuela

Aabot sa mahigit P900 milyong halaga ng mga gamit sa paggawa ng ilegal na droga ang winasak sa Brgy. Punturin sa Valenzuela City.

Ang seremonya ay pinangunahan nina Valenzuela City Mayor Rex Gatchalian at PDEA Director General Wilkins Villanueva.

Kabilang sa sinira ang mahigit P108 million na halaga ng liquid chemicals, mahigit P884 million na halaga ng solid chemicals at mahigit P11 million na halaga ng laboratory equipment.

Ayon kay Villanueva ito na ang maituturing na pinakamalaking halaga ng controlled precursors and essentials chemicals (CPECs) destruction sa kasaysayan ng drug law enforcement ng bansa.

Ang nasabing mga gamit ay tapos nang gamitin bilang ebidensya sa mga kaso sa korte.