Mahigit P30 na taas-presyo sa LPG epektibo na

Epektibo na ngayong unang araw ng buwan ng Pebrero ang pagtaas sa presyo ng LPG o Liquified Petroleum Gas.

Sa abiso ng Petron, epektibo alas 12:01 ng madaling araw, tumaas ng P2.96 ang kada kilo ng kanilang LPG.

Katumbas ito ng P32.56 na pagtaas sa kada 11-kilogram LPG cylinder.

Samantala, tumaas din ng P1.66 ang kada litro ng AutoLPG ng Petron.

Sa abiso naman ng Solane, ang kanilang LPG ay tumaas ng P2.68 kada kilo epektibo alas 6:00 ng umaga.

Katumbas ito ng P29.48 na pagtaas sa kada 11-kilogram na LPG ng Solane.

Ayon sa mga kumpanya ng langis, ang pagtaas ng presyo ay dahil sa pagtaas ng halaga ng LPG sa world market. (D. Cargullo)