Mahigit 9,400 na bagong kaso ng COVID-19 naitala ng DOH
Sa ikatlong sunod na araw, mas mataas sa 9,000 ang naitalang bagong kaso ng COVID-19 sa bansa.
Sa inilabas na datos ng Department of Health (DOH) alas 4:00 ng hapon ng Linggo (March 28), umabot na sa 721,892 ang kabuuang bilang ng kaso ng COVID-19 sa bansa.
Sa magdamag, umabot sa 9,475 ang dagdag na mga kaso.
Sa kabuuang bilang ng COVID-19 cases, 603,154 ang gumaling o katumbas ng 83.6 percent makaraang makapagtala pa ng dagdag na 22,000 na gumaling.
105,568 naman ang active cases o katumbas ng 14.6 percent.
Habang nakapagtala pa ng dagdag na 11 pang pumanaw sa sakit.
13,170 ang kabuuang death toll sa bansa o 1.82 percent.
