Mahigit 900 na bagong kaso ng COVID-19 naitala sa magdamag; 58 pa ang pumanaw
Nakapagtala lang ng 937 na bagong kaso ng COVID-19 sa bansa nakalipas na magdamag.
Sa inilabas na datos ng Department of Health (DOH) alas 4:00 ng hapon ngayong Martes (Enero 5), umabot na sa 479,693 ang kabuuang bilang ng kaso ng COVID-19 sa bansa.
Sa nasabing bilang, 448,375 ang gumaling o katumbas ng 93.5 percent makaraang makapagtala pa ng dagdag na 114 na gumaling.
21,997 naman ang active cases o katumbas ng 4.6 percent.
Habang nakapagtala pa ng dagdag na 58 pang pumanaw sa sakit.
9,321 ang kabuuang death toll sa bansa o 1.94 percent. (D. Cargullo)
