Mahigit 618,000 na katao fully-vaccinated na sa Maynila

Mayroon nang mahigit 618,000 na katao na fully-vaccinated na sa lungsod ng Maynila.

Sa inilabas na datos ng Pamahalaang Lungsod ng Maynila, 1,404,443 na ang total vaccines administered sa lungsod.

Sa nasabing bilang, 924,842 ang para sa first dose at 618,259 ang nabigyan na ng second dose.

Sa ngayon ay naghihintay pa ng panibagong suplay ng bakuna sa lungsod para sa first dose kaya ang bakunahan ngayong araw ng Miyerkules ay pawang para sa second dose muna.

Samantala, hanggang kahapon ng tanghali ay nasa 37 percent ang occupancy rate ng anim na District Hospitals sa lungsod at 72 percent naman ang occupancy rate ng COVID Field Hospital. (Dona Dominguez-Cargullo)