Mahigit 57,000 households sa Rizal mawawalan ng suplay ng tubig simula mamayang gabi hanggang bukas ng umaga

Aabot sa 57,049 na households, commercial at business establishments sa lalawigan ng Rizal ang mawawalan ng suplay ng tubig simula sa mamayang (Nov. 23) gabi.

Ang service interruption ay makaaapekto sa aabot sa 58 mga barangay sa Rizal mula alas 9:00 ng gabi mamaya hanggang alas 6:00 ng umaga bukas, Martes, Nov. 24.

Kabilang sa maaapektuhan ang 3 barangay sa Taytay, 9 na barangay sa Angono, 7 barangay sa Cardona, 21 barangay sa Binangonan, 9 na barangay sa Baras at 9 na barangay din sa Jalajala.

Pinapayuhan ang mga maaapektuhang residente na mag-ipon na ng sapat na suplay ng tubig na kanilang kakailanganin sa oras ng service interruption.